Bore da

Daeth dathlu’r Nadolig i ben i fi bore ddoe, wedi bwyta ac yfed gormod o bopeth y diwrnod (â’r wythnosau) flaenorol es i am “cold turkey”, ond heb y twrci.

Salad gydag wy i ginio, powlen o sŵp thomato a stiw di neud efo cennin, madarch, quorn a broccoli. 600 o galorïau sef faint dwi’n ei fwyta ar ddiwrnod ympryd.

Mae heddiw yn ddiwrnod arferol, fydda’i yn anelu at uchafswm o 2,000 o galorïau.

Trwy cael 2 ddiwrnod ympryd mewn wythnos mi fyddai’n bwyta 11,200 o galorïau mewn wythnos yn lle 14,000.

Gan fy mod wedi mynd yn lysieuwr rhan amser (dim cig yn y tŷ neu allan pan yng nghwmni Megan fy merch hynaf!) mae brecwast wedi colli’r bacwn a pwdin gwaed. Felly lot o thomatos, madarch, 2 wy di botsio a 40 gram o fara cyflawn a coffi efo llaeth sgim! 300 o galorïau 👍🏻

Cinio call

Wedi’r Twrci, tatws, stwffin, selsig….. A’r pwdin Dolig, siocledi, caws, gwin a chwrw… Braf oedd medru mwynhau hwn heddiw.

Salad efo wy!

Y cyfan dim ond yn 160 o galorïau

Gormod o bwdin

Mae’r Nadolig yn gyfnod o ddathlu a gloddesta, a hefyd yn amser lle mae tybiau o siocled a mins peis ym mhobman. Oedd y Dolig yr un peth acw eleni, ac er fod nifer yn dewis y flwyddyn newydd ar gyfer neud addewidion, dwi’n mynd amdani heddiw. Pam? Wel mae’r pwysau wedi cropian nôl ymlaen dros y 6 mis diwethaf. Does dim un rheswm benodol am hyn. Mae sawl esgus ond y rheswm pennaf yw fy mod gyda problem pan mae’n dod i fwyta. Dwi’n meddu’r gallu i reoli fy hun ond dwi hefyd yn cael dyddiau lle dwi methu sdopio bwyta. Pam? Dwi’m yn gwybod ac mae’n rhywbeth dwi am ymchwilio o ddifrif yn 2019.

Nes i rhoi methiant fy llawdriniaeth hernia fel rheswm, ond esgus yw hyn, ac wrth i fi ddisgwyl am lawdriniaeth i gael ei cywiro mae’r angen i golli pwysau yn amlygu ei hun am rheswm arall a’r rheswm pwysicaf. Yn 2019 mi fyddai’n hanner cant, ag os dwi am gyrraedd unrhyw le’n agos i gant mae rhaid i mi golli pwysau a cadw fy hun yn iach, er mwyn fy nheulu mwy na dim.

Felly heddiw dwi’n cychwyn y 5:2 unwaith eto, ond y tro hyn dwi am ymdrechu i neud yn newid barhaol.

Mi fyddai’n rhannu’r blwyddyn gron nesaf gyda chi, mae hyn yn addewid. Tybed beth fydd fy hanes diwrnod Nadolig 2019?

Yn ôl y siart fe ddylwn i fod oddeutu 14 stôn, dwi methu cofio bod y pwysau yma! Ond dyma di’r targed. Fydd o ddim yn hawdd, ag os na’i gyrraedd y nod, fydd cynnal a chadw’r pwysau yn her enfawr yn seicolegol.

Dwi’n gaddo rhannu’r blwyddyn nesaf gyda chi, y da a drwg, pob dydd… Felly dyma’r cyntaf o 365 neges.

Diolch am ddarllen

Llenwi ar lysiau

un peth dwi di dysgu dros y misoedd diwethaf yw’r pwysigrwydd o baratoi eich bwyd eich hunain. Mae’n un o’r rhesymau i mi fethu yn ddiweddar, colli’r arfer a thrwy hynny colli’r cysylltiad rhwng be sy’n mynd i fy ngheg a be sydd yn fy mhen. Yndi mae’n cymryd fwy o amser ond mae o sicr yn werth yr ymdrech. Dyw paratoi prydoedd blasus sy’n eich llenwi ddim yn anodd. Ar ddyddiau ympryd dwi’n ceisio cael un pryd sylweddol i de.

Dyma pryd heno, nath cymryd 10 munud i baratoi.

Nes i taflu 400 gram o marrow (ma nhw’n rhad iawn ar hyn o bryd) 400 gram o aubergine, 350 gram o fadarch gwyn ac un nionyn cyfan (250 gram) y cyfan wedi torri’n darnau cymharol fân i sosban mawr non-stick. Ychydig o arlleg wedi torri’n fân a ciwb stoc. Cadwch i droi wrth i’r llysiau coginio am bum munud. Ychwanegwch tin o thomatos wedi torri’n fân. Ychwanegwch halen a pupur a pherlysiau (os y mynnwch) ar ôl hanner awr o ffrwtian ar tymheredd isel ychwanegwch 180 gram o Quorn a gadewch iddo ffrwtian ymhellach am o leiaf hanner awr. Fydd digonedd gennych am 4 pryd, pob “portion” dim ond yn 180 o galorïau!!!

I fynd efo’r stiw llysieuol ag i rhoi bach o grensh be am bach o “stir fry”?

Dwi’n cadw cymysgedd (pwysau hafal) o foron, nionod a fresych (gwyn neu coch) mewn twb yn yr oergell, yn bennaf ar gyfer neud coleslaw yn ôl y gofyn, ond mae’r cymysgedd yn neud stir-fry cyflym a iachus. Mae 100 gram o’r cymysgedd wedi ei ffrio mewn hanner llwy de o olew cneuen coco gyda ychydig o arlleg a saws soi yn llai na 60 o galorïau,

Gesi dau llond powlen â’r cyfan yn llai na 500 o galorïau.

Gallwch rhewi y stiw a gallwch ei ddefnyddio i baratoi lasagne neu drwy ychwanegu ychydig o chilli mae’n creu’r partner perffaith i taten pôb 👍🏻

Penblwydd hapus!!!

Union blwyddyn yn ôl i heddiw nes i gychwyn sgwennu am y cynllun bwyta 5:2. Ges i lwyddiant sylweddol wrth golli pwysau yn dilyn patrwm o ymprydio ysbeidiol, sef cyfyngu fy hun i 600 o galorïau’r dydd deuddydd yr wythnos a chyfyngu fy hun i 2000 o galorïau ar y 5 arall.

Nes i golli 6 stôn yn disgyn o 22 stôn i 16. Ond…. Ma na wastad ond! Yn dilyn methiant fy llawdriniaeth hernia gefais cyn y Nadolig llynedd yn y Gwanwyn ges i gyfnod anodd lle oedd rhaid rhoi stop ar yr ymarfer corff a nath hyn cael “knock on” seicolegol, dros cyfnod o 5 mis nes i roi 3 stôn nôl ymlaen. Felly dwi dal 3 stôn yn ysgafnach na o’n i blwyddyn yn ôl, a dwi di llwyddo cyrraedd adre o pythefnos yn Ffrainc tua’r un pwysau ag o’n i’n gadael.

Felly ail ffocysu a nôl amdani. Dwi’n hanner cant diwedd Chwefror felly dyma’r targed. I gyrraedd 15 stôn ag yna aros y pwysau yna. Mae’r ddau yn her ond yn amlwg yr ail yw’r her fwyaf.

Felly blogio dyddiol, mwy o fanylion am fy mwydleni a ryseitiau a gobeithio gallwch chi ymuno â fi wrth geisio byw yn iachach.

Diwrnod 4

Ers ail gychwyn o ddifrif dydd Llun mae’r effaith o’r 5:2 i weld yn glir yn barod, 8 pwys i lawr yn barod. Mae heddiw yn ddiwrnod ympryd a dwi allan heddiw efo gwaith. Dwi’n ffeindio dyddiau brysur yn haws i ddelio â nhw, â’i tan amser te yn yfed lot o ddŵr ag ambell i goffi du a chael pryd sylweddol 600 yr adeg hynny.

Dwi’n dal i gerdded 10,000 o gamau y dydd ag ar targed i neud 3,650,000 o gamau erbyn y 1af o Ionawr 2019.

Edrych ymlaen i bore fory yn barod pan ga’i fy mrecwast arferol 260 o galorïau 🙂

Dechrau o’r dechrau unwaith eto

Mae llithro nôl i hen arferion drwg yn hawdd. Dwi di gadael i pethau fynd yn y deufis diwethaf. Does dim un rheswm yn benodol, ond mae’r tywydd braf wedi golygu penwythnosau i ffwrdd, mwynhau gormod, gaddo i fi fy hyn a’i nôl at pethau dydd Llun….

Ond mae angen cofio dyw hi byth rhy hwyr. O’n i di colli ffocws, anghofio am y darlun mawr o safbwynt iechyd. Peidio logio bwyd yn drylwyr, twyllo fy hun wrth beidio cofnodi’r paced creision neu potel o win. Felly yfory mae’n amser mynd nôl i’r “basics”.

Dwi’n ffodus fod gena’i gofnod o be nes i fwyta pob wythnos o’r cyfnod lle o’n i’n colli pwysau yn rheolaidd. Felly fory, 600 calori, dim bwyd nes amser te, ag yna llond plât o lysiau iachus efo tipyn o gig wedi ei bwyso’n ofalus..

Dydd Sul

Dyma dwi di fyta heddiw ar y Cambridge Weight Plan….

07:00 Ysgytlaeth Butterscotch CWP

11:45 Cwpan o Sŵp Thai Chilli CWP

17.00 130g o frest twrci, madarch a nionod di ffrio heb olew (padell non stick) 50g o ddail salad

21:00 Cwpan o Sŵp tatws a chenin CWP

Ar ben hyn dwi di yfed 4 cwpan o coffi du a 2.25 litr o ddwr……..

Blog dyddiol am be dwi’n fyta!

Fel mae’r rhai ohonoch sy’n fy adnabod yn gwybod dwi di bod yn colli pwysau (eto).

Wedi rhedeg marathon Efrog Newydd yn 2009 nes i stopio rhedeg a dechrau bwyta. Combo trychinebus!

Erbyn Nadolig 2013 oedd 6 (chwe) stôn di mynd nôl ymlaen ag oedd brie yn llifo o fy “tear ducts”!

Nes i golli stôn trwy mynd yn ôl i fwyta’n normal ag ers deufis dwi wedi bod yn neud y Cambridge Weight Plan dan ofal Becky o Gaerfilli (hapus i rannu eu manylion) a dwi di colli dwy stôn a hanner. Dwi wedi synnu fy hun gyda’r llwyddiant.

Fory dwi’n dechrau rhedeg eto a fydd y blog yma yn cofnodi fy nhaith nesaf o’r Cambridge i fwyta’n iach ac ymarfer corff. Ond gan ganolbwyntio ar y bwyd, popeth sy’n mynd i fy ngheg yn ddyddiol!

Huw

Adolygiadau

Gobeithio bod hwn ddim yn neud i fi ymddangos fel mwy o ffatibwmbwm na’r arfer, ond dwi wedi esguluso fy nyletswyddau blogio bwyd yn ddiweddar.

Felly dyma’r gyntaf mewn cyfres o adolygiadau byr o llefydd dwi di bwyta ynddynt mis Medi.

Aethom fel teulu bach (fi, Bethan a Megan fach) i’r gorllewin am benwythnos. O’n i di clywed canmoliaeth am Blacksheep Restaurant yn Hwlffordd ar twitter Blacksheep Restaurant
felly dyma fi’n ffonio i bwcio bwrdd ar gyfer amser cinio dydd Sadwrn, mae’n debyg fod o’n lle poblogaidd a bod o’n syniad da bwcio o flaen llaw.

Mae’r bwyty ei hun wedi ei leoli ar y stryd fawr ar y llawr cyntaf drws nesaf i bwyty arall, ei chwaer fwyty eidalaidd, yn be sy’n edrych fel hen neuadd y dre. Mae’r Ystafell fwyta bach yn plaen gyda awyrgylch tamaid oeraidd, ond mae’r bwyd a’r gwasanaeth yn wych!

Mae bwyta allan gyda un bach medru bod yn boen, a mae Megan sydd bron yn dri medru bod yn llond llaw, ond mae’r blacksheep yn croesawu plant, ac mae dewis digonol ar y bwydlen ar eu cyfer, er bod maint eu platiau bach yn fawr. Oedd y darnau o bysgod di ffrio gyda sglodion gafodd eu rhoid o’i blaen yn ddigonol i oedolyn, a fedra’i cadarnhau eu bod yn blasus tu hwnt…..

Es i am un o’r speshials y “Fish Stew”. (£8) Cymysgedd o bysgod, gan gynnwys llysywen sy’n rhywbeth go anghyffredin y dyddiau hyn, gyda gorgymychiaid a cherrig gleision mewn saws tomato. Blasus tu hwnt, er os oedd un cwyn bac hdoedd y tatws yn y cawl ddim cweit di cwcio drwodd. Aeth Bethan am y “pulled pork”, (£7) doedd o ddim cweit fel y pulled pork sydd i weld ar “Man v’s Food”, ond gafodd ei fwyta yn ddi ffwdan.

Nes i osgoi’r pwdin (dwi’n trio colli pwysau….) ond gafodd Bethan un or meringues gorau mae rioed di blasu.

Fedra’i ddim canmol y lle digon, bwyd gwych a rhesymol gyda gwasanaeth penigamp. Ewch yna dilynwch nhw ar twitter @Blacksheepfood am gynigion arbennig.